Loiolako santutegia

583 botoak

Ignazio Loiolakoa sortu zen etxearen inguruan eraikia, Loiolako santutegia Euskal Herriko erlijio gune garrantzitsuena da. Arantzazuko santutegiarekin batera, Gipuzkoako beilatoki garrantzitsuena da. Basilikaz koroatutako eraikuntza multzo handi bat da Loiolako santutegia.

Basilikaren inguruan kokatua dagoen Izarraitz mendiko harriekin eraikitako eliza dugu. Bere kupula da Loiolako santutegiko elementu deigarriena. Eskailera zabal batzuetatik iristen da zirkulu itxurako basilikaren atarira. Barroko itxurako ataria dugu, hiru arkuz babestua eta simetria perfektuz egindako eskaileren gainean kokatua.

Barrualdean zortzi arkuk inguratzen dute 33 m-ko diametroko zirkulu itxurako eliza. Marmol beltza eta urre koloreak protagonista bilakatzen dira eliza barruan. Baina, berriro ere, kupula da protagonista bakarra. 20 m-ko diametroko kupula ikusgarria dugu hau. Elizaren erdigunearen eta kupularen puntu altuenaren artean 65 metro daude. Kanpotik harrizko egitura du, baina barrualdean hareharria da, lantzeko errazagoa baita.

Basilika eta Ignazio Loiolakoaren jaiotetxea Loiolako Errege Eskolaz inguratuak daude. Barroko estiloko hiru solairuko eraikuntza da. Dekorazio aldetik ez da eraikin deigarria, baina eraikuntza multzoari indarra ematen dio.

Eskolaren eta basilikaren aurrealdean eta atzealdean lorategi handiak aurki daitezke. 25 hektareako terrenoa okupatzen du lorategiak. Atzealdekoa bertan bizi diren erlijiosoek eta ostatuan daudenek soilik erabiltzeko egina dago.

Santutegiak Gipuzkoan aurki dezakegun liburutegi garrantzitsuenetakoa du. 300.000 alez baino gehiagoz osaturiko bilduma dago gordea.